Беларус працаваў юрыстам, дырэктарам, а цяпер ён уласнік і кіроўца фудтраку з блінамі. Падрабязней у праграме «Беларускі свет».
Наталля і Дзмітрый Шмігельскія – жыхары беларускага гораду Жлобіна. Юрысты з адукацыі, да 2020 года яны працавалі ў дзяржаўнай страхавой сістэме «Белдзяржстрах». Пасля ўдзелу ў пратэстах былі асуджаныя, зняволеныя і выкінутыя з працы. Сям’я з двума малымі дзецьмі была змушаная ўцякаць ад пераследу ў Польшчу. У Варшаве сужэнцы адкрылі невялікі сямейны бізнес: набылі фудтрак і ездзяць па беларускіх і польскіх фестывалях, канцэртах і святах, каб карміць людзей гарачымі блінамі.
«Я не мог прыехаць у Варшаву і сказаць, што я юрыст паводле адукацыі, працаваў дырэктарам апошнія шэсць гадоў, вазьміце мяне на працу. Я не ведаю мовы, я нічога не ведаю. Таму адзінае выйсце было – пачынаць нешта сваё. Не важна, што, але працаваць на сябе і нешта рабіць. І сказаў жонцы, што ёсць такая ідэя: фудтрак. Але што гатаваць?»
Шмігельскія падтрымоўваюць маральна і практычна ўсіх аднадумцаў – гэткіх жа, як яны, беларускіх палітычных уцекачоў у Польшчы.
Таксама ў праграме «Беларускі свет»:
