Што будзе з заробкамі, занятасцю, курсам рубля, і коштамі ў крамах?
У выпадку Беларусі, усё чыннікі, якія на гэта ўплываюць, зводзяцца, па вялікім рахунку да аднаго – кошту нафты. Калі барэль будзе даражэць – шанцы на захаванне эканамічнай стабільнасці будуць высокімі. Калі ж яго кошт абваліцца – ніякія іншыя захады ўладаў ня выратуюць айчынную эканоміку ад новага цяжкага крызісу.
Якім будзе кошт нафты бліжэйшыя паўтара году? У новым выпуску праграмы Давайце Разбірацца мы высвятляем гэта з Шакілам Бэгам – дырэктарам па доследзе нафтавых рынкаў міжнароднай агенцыі Ройтэрс. З беларускімі экспертамі мы абмяркоўваем магчымасць новай нафтавай субсідыі для Беларусі наўзамен той, якая ліквідуецца ў выніку нафтавага манеўру.
