Унікальныя дамініканскія касцёл і кляштар у Смалянах хутка могуць знікнуць.
Закінуты кляштар некалькі гадоў таму мясцовыя ўлады паспрабавалі знесці, на шчасце, тады менскім актывістам удалося абараніць помнік гісторыі. Аднак цяпер і касцёл, і кляштар стаяць без дахаў, а дзверы і вокны даўно згубленыя. Пра рэстаўрацыю гаворкі не ідзе. Калі гэтак застанeцца і надалей, хутка гэтыя помнікі гісторыі могуць быць страчаныя назаўжды…
Спадар Вікенцій Мароз ёсць увасабленнем сапраўднай беларускай душы.
У гады адукацыі ў Нясвіжскай настаўніцкай семінарыі быў сябрам Саюзу беларускай моладзі, у час Другой сусветнай вайны быў жаўнерам Войска Польскага, а пазней – настаўнікам мовы і літаратуры. Сваю першую кнігу выдаў некалькі тыдняў таму, ва ўзросце 93-х гадоў. Збор успамінаў «Перажытае-незабытае» – гэта выразны адбітак складанага і трагічнага часу: жыццё пад акупацыяй, вайна, якой аддадзена два з паловай гады, і паваенны перыяд з усімі яго нягодамі.
Уладзімір Кучмасаў даўно марыў навучыцца выпякаць хлеб у вясковай печы, гэтак, як рабілі нашыя продкі.
Аднойчы ён выпадкова прачытаў пра Сцепаніду Лупач, жыхарку Глыбоччыны. Яна выпякае хлеб паводле старадаўняга двухсотгадовага рэцэпту, які ўключаны ў Спіс нематэрыяльных каштоўнасцяў Рэспублікі Беларусь. Спадар Уладзімір адшукаў жанчыну і папрасіў яе падзяліцца сакрэтамі майстэрства.
Фота на застаўцы staydreamerbro.com
