Колькі ўкласці ва ўласны канал, вырашае сам блогер. Абавязковы мінімум – камера і святло, будуць каштаваць каля $ 200. Калі захочаце пабываць на курсах блогінгу або аратарскага майстэрства, прыдбаць хаця б просценькі мікрафон і заднік, кошт перарасце $ 500. Абраць тэму, запісаць некалькі цікавых відэа – вось вы і відэаблогер.
А некаторыя з блогераў зарабляюць сотні, тысячы, і дзясяткі тысяч долараў. Як стаць тым блогерам, што зможа не толькі запосціць відэа, але і зарабіць на ім – расказвае Марыя Грыц.
Рэальная зарплата беларусаў у верасні 2016 года ў параўнанні з вераснем 2015 года зменшылася на 4,1%. Сярэдні ўзровень аплаты па вакансіях у Менску складае каля Br 500. Па астатняй краіне прыкладна на траціну меней. Наш эксперт Міхал Залескі аналізуе, што напрыканцы году адбываецца з асабістымі капіталамі беларусаў: куды выдаткоўваюць, чаго чакаюць, на што спадзяюцца.
Іван Брэль са сваякамі некалькі год судзіўся з дзяржаваю за свой дом, які месціўся на будучай лініі метро. Іван змагаўся за адэкватную кампенсацыю – і атрымаў яе. Але ўсе роўна не раіць іншым ісці тым жа шляхам: абарона сваіх правоў абыходзіцца занадта дорага.
Як не трапіць у пастку судовых спрэчак пры набыцці маёмасці ды як зэканоміць, калі ў суд усе ж даводзіцца ісці – распавядаем у рубрыцы «Барані сваё».
Калі не лічыць ламбардаў, карцінных галерэяў і паліцаў у супермаркетах, то па падарункі ды сувеніры ў Менску можна завітаць толькі ў шэсць месцаў. У Вільні гэткіх лавак дванаццаць (хоць горад і меншы за Менск у чатыры разы), у Кіеве – 18.
Марыя Куляшова валодае адной з шасці менскіх сувенірных крамаў, да яе завітваюць і беларусы, і расейцы, і замежнікі. Ці прыносіць такая праца прыбытак ды як сувенірныя крамы шукаюць пастаўнікоў і спажыўцоў – глядзіце ў праграме «Асабісты капітал».
