Аб праграме «Вяскоўцы» далёка ў свет ляціць добрая памоўка. Даляцела яна і ў Літву. Вядоўцу Віктара Шукеловіча гэтым разам вельмі сардэчна і ласкава віталі ў вёсцы Тургелі на літоўска-беларускім памежжы. Віктар спаткаўся з самабытным творчым калектывам «Тургелянка» і яго харызматычнай кіраўніцай пані Владыславай.
Адна з гераінь адзначыла, што паходзіць з вёскі Пашкі, дзе жылі адныя літоўцы. Змалку яна чула толькі літоўскую мову. Але жыццё склалася так, што цяпер ёй бывае ямчэй перадаць думку па-беларуску або па-польску. Вядоўца сам паспрабаваў паразмаўляць па-літоўску. Але што ў яго выйшла і ці добры быў у яго акцэнт?
Чаму мясцовыя жыхары называюць сваю мову «простай»? Кім лічаць сябе? Як жывуць і якія песні спяваюць? А таксама што мяркуюць пра Беларусь? Адказы на гэтыя пытанні – у новым выданні «Вяскоўцаў».
