Было няпроста, але мы працавалі. Паглядзіце, ці не прапусцілі самае цікавае.
Гэта быў цяжкі год для беларускіх медыяў: паводле звестак Беларускай асацыяцыі журналістаў, 13 медыяў беларускія ўлады назвалі «экстрэмісцкімі», знішчылі самае папулярнае медыя краіны – Tut.by (але яно адрадзілася пад назвай Zerkalo.io), 32 прадстаўнікі медыяў за кратамі (у іх ліку «белсатаўцы» Кацярына Андрэева, Дар’я Чульцова, Уладзімір Мацкевіч, Ірына Слаўнікава, Павел Вінаградаў), арыштаў журналістам напрысуджалі 8733 дзён, а штрафаў – на 73 486 рублёў.
Але мы працавалі. Вось чаму:
Паглядзіце, якія расследаванні мы зрабілі за год:
Толькі не здзіўляйцеся. Калі выходзіла расследаванне пра беларускі калідор нерэгулярнай міграцыі, яно магло гучаць неверагодна, а то і шызафрэнічна. Але цяпер практычна тое самае кажуць пра арганізатараў і схемы міграцыі ўлады краінаў Еўропы. Спраўдзілі – усё так. З папраўкай на тое, што з часу таго расследавання беларускія сілавікі прыдумалі і новыя метады «дастаўкі» мігрантаў, якімі карыстаюцца як жывой зброяй.
У канцы 2020 года мы расказалі пра пацярпелых ад гвалту сілавікоў у праекце «Мне яшчэ пашанцавала». У пачатку 2021-га расказалі і гісторыі беларусаў, якія пацярпелі ад псіхалагічнага гвалту з боку ўладаў альбо праваахоўных органаў у праекце «Нябачная траўма».
А яшчэ расказалі пра «Сястрычак», якія апынуліся ў жодзінскай вязніцы восенню 2020-га, пра звычайныя справы і асабістае жыццё Святланы Ціханоўскай, пра двайное жыццё Паўла Латушкі. Шмат гутарылі з роднымі палітвязняў, пыталі экспертаў, як зараз жыць будзем: што зараз стане з айцішнікамі, музыкамі, сілавікамі, адвакатамі, святарамі,
Мы маем цэлы праект «Жыве!» пра рэпрэсіі і зняволеных. Там не толькі гісторыі, але і практычныя парады: як дапамагчы зняволеным, як паводзіць сябе на допыце і на «прафілактычнай гутарцы», ці давяраць свайму тэлефону, як выжыць у чаканні пераменаў і як не звар’яцець у эміграцыі.
А беларусаў раскідала па ўсім свеце: у Расею, Украіну, Польшчу, Грузію, Нямеччыну, Чэхію, Штаты, Новую Зеландыю… Час казаць пра беларускі свет.
Мы знялі фільмы пра забойства Паўла Шарамета і гібель Віталя Шышова, пра колеры нацыі і лёсы ўдзельнікаў выбараў-2020, страх пасля катаванняў і жыццё пасля БТ, пра Паўночны акіян, стрыптыз і вайну… Вось тут усе нашыя фільмы за 2021 і ранейшыя гады.
І яшчэ мы разабралі 60 пытанняў пра каронавірус і вакцынацыю. Тэксту са спасылкамі на навуковыя публікацыі шмат, але кароткі пераказ тут.
Што яшчэ прапанаваць? Ох, у нас зашмат варыянтаў. Напрыклад, вось:
