Супрасьльскі манастыр вядзе адлік сваёй гісторыі ад 1498 года. Ужо ў 1505 годзе патрыярх Царградскі Іяхім выдаў спецыяльны томас, які прызначаў манастыр цэнтрам абароны чысціні праваслаўнай веры ў ВКЛ.
Дабравешчанскі манастыр у Супрасьлі быў заснаваны пры падтрыманні роду Хадкевічаў. Сродкі на будаўніцтва мураванай абарончай царквы даў першы ігумен манастыру, Пафнуцы Сегень, з мяшчанскага роду, што пазней зрабіўся шляхецкім. Неўзабаве Супрасьль стаў, поруч з Кіевам, адным з найважнейшых цэнтраў праваслаўя ў ВКЛ. Яго бібліятэка зберагала такія скарбы, як Супрасьльскі зборнік і Супрасьльскі летапіс.
Выпрабаванні манастыру пачаліся з падпісання царкоўнай уніі ў Берасці ў 1596 годзе. Потым давялося перажыць часы Расейскай імперыі.
Дзейны ігумен манастыру Панцеляймон распавядзе, чым жыве супрасьльская святыня сёння. Гісторык Антон Мірановіч пракаментуе гісторыю манастыру.
Праграма «Загадкі беларускай гісторыі» выходзіць на «Белсаце» кожны панядзелак а 19:10. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
Віртуальная мапа «Загадак беларускай гісторыі»:
Калаж з фота:commons.wikimedia.org
