Улады міжваеннай Польшчы лічылі беларусаў найменш нацыянальна свядомай сярод іншых няпольскіх супольнасцяў. Але гэта была памылкаю, аб чым сведчыць гісторыя пасляваеннага літаратурнага аб’яднання «Белавежа».
Сярод карэнных жыхароў Падляшша шмат беларусаў. У гэткім натуральным беларускамоўным асяроддзі нараджалася дастаткова таленавітых людзей, каб ствараць мастацкую літаратуру. Яна развівалася ў адарванасці ад літаратуры Савецкай Беларусі. Масты паміж імі навяло літаратурнае аб’яднанне «Белавежа».
Пра гісторыю «Белавежы», выдавецкі даробак гэтай арганізацыі ды ўнёсак у беларускую культуру распавядуць старшыня аб’яднання Ян Чыквін і пісьменнік Міхась Андрасюк.
Праграма «Загадкі беларускай гісторыі» выходзіць на «Белсаце» кожны панядзелак а 19:10. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
Віртуальная мапа «Загадак беларускай гісторыі»:
Расфарбоўка фота на вокладцы: photomyne.com
