Ксёндз Вячаслаў Барок патлумачыў, як рэжым Лукашэнкі пазбавіў беларусаў чалавечнасці ды ўзгадаваў армію сілавікоў і чыноўнікаў, якія сёння падтрымліваюць беззаконне ў Беларусі, і паразважаў, як можна выправіць сітуацыю.
На Дзяды «Мова нанова» пастанавіла сустрэцца з каталіцкім святаром Вячаславам Барком. Ягоныя прамовы вельмі не падабаліся рэжыму Лукашэнкі, і ўлады спрабавалі «элегантна заткнуць рот» ксяндзу. Але святар не адступіўся ад перакананняў і быў вымушаны з’ехаць з Беларусі.
Дзяды – час, калі беларусы згадваюць сваіх продкаў. Ды не толькі згадваюць, але і запрашаюць іх за стол і просяць пра дапамогу ў жыццёвых справах. Як да гэтага ставіцца хрысціянскі святар? Ці можа несмяротная душа вярнуцца да жывых?
Дзяды – гэта не проста сямейнае свята. На думку ксяндза Барка, ушанаванне продкаў і захаванне гістарычнай памяці непасрэдна ўплывае на жыццё беларусаў. Напрыклад, у 1988 г. мітынг – святкаванне Дзядоў стаўся імпульсам для таго, каб абудзілася нацыянальная памяць.
Якім чынам святкаванне Дзядоў можа зрабіцца лекам ад сённяшніх праблемаў беларусаў? Пагаворым пра Дзяды з ксяндзом Барком.
У граматычнай частцы разбіраемся, як не заблытацца ў шматлікіх сваяках і пазбегчы грувасткіх выразаў, кшталту жонка брата майго мужа.
Ушанаванне – рус. чествование
Вызнаваць – рус. исповедовать
Узгадваць = успамінаць
Пахаваць – рус. похоронить
Спадзяванне – рус. надежда
Вернік – рус. верующий
Лучнасць – рус. единение
Супольнасць – рус. общность
Падкрэслівацца – рус. подчеркиваться
Абмежаванне – рус. ограничение
Заклікаць – рус. призывать
Частавацца – рус. угощаться
Перакананне – рус. убеждение
Могілкі – рус. кладбище
Апрача – рус. кроме
Трывалы – рус. прочный
Злачынца – рус. преступник
Спадкаемца – рус. наследник
Скіроўваць – рус. направлять
Лек – рус. лекарство
Звярніце ўвагу – рус. обратите внимание
Замкнёны – рус. закрытый
Вымалёўваецца – рус. вырисовываться
Наогул – рус. вообще
Здзекавацца – рус. издеваться
Катаваць – рус. пытать
Адукацыйную праграму «Мова Нанова» глядзіце кожную нядзелю а 20:20 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.
Калаж з фота: Majid Hajiloo / unsplash
