Госць праграмы – бізнесовец, філантроп і валанцёр Усевалад Баскін. Ён сталеў па-за Беларуссю – у Швейцарыі ды Англіі. Усевалад зрабіўся для англічанаў сваім, але адчуў, што страціў сябе, таму пачаў пошукі сваёй ідэнтычнасці. Абудзілася цікавасць да беларускага. Пераломным момантам сталася расейскае ўварванне ва Украіну ў лютым 2022 года.
«З пачатку вайны дзесьці на другім тыдні я зразумеў, што я больш не хачу глядзець ніякі кантэнт на расейскай мове, – кажа Усевалад. – Я пачаў шукаць кантэнт на беларускай і на ўкраінскай мовах. Я зафолаўвіў усіх беларускіх ютубераў (іх, на жаль, не так ужо і шмат – чалавек 15–20, можа, 30). Але кантэнту, які мне падабаўся, было недастаткова, таму я пачаў глядзець і ўкраінскі».
У Варшаве Усевалад наведаў беларускі размоўны клуб «Гутарок». Пасля гэтага ў яго з’явілася ідэя стварыць уласную пляцоўку, дзе маладыя беларусы маглі б сустракацца, каб гутарыць па-беларуску.
Усевалад распавёў, як вяртаўся да каранёў, якую ролю адыграла ў гэтым беларуская мова і чаму без яе немагчымая беларуская ідэнтычнасць. А таксама падзяліўся, чаго не стае беларускамоўнаму кантэнту.
У граматычнай частцы вядоўца Віктар Шукеловіч распавядзе, як прыгожа дзякаваць па-беларуску.
Бацькі – рус. родители
Шукаць – рус. искать
Цалкам – рус. полностью
Распавесці = расказаць
Намагацца = старацца
Багата = многа
Сябры – рус. друзья
З цягам часу – рус. со временем
Імкнуцца – рус. стремиться
Грамадства – рус. общество
Пажартаваць – рус. пошутить
Зразумець – рус. понять
Згубіць – рус. потерять
Знішчацца – рус. уничтожаться
Аднаўляць – рус. восстанавливать
Моладзь – рус. молодежь
Рухацца – рус. двигаться
Падмацаванне – рус. подкрепление
Супольны = сумесны
Дадатак – рус. приложение
Забаўляльны – рус. развлекательный
Сваякі – рус. родственники
Раптам – рус. вдруг
Інтэрнат, гуртажытак – рус. общежитие
Незалежны – рус. независимый
Пляцоўка – рус. площадка
Захоўваць – рус. сохранять
Адчуваць – рус. чувствовать
Сумна – рус. грустно
Адмаўляцца – рус. отказываться
Прастора – рус. пространство
Спадзявацца – рус. надеяться
Высілкі – рус. усилия
Уяўляць – рус. представлять
Удасканальваць – рус. совершенствовать
Мастацтва – рус. искусство
Атрымліваць – рус. получать
Спявак – рус. певец
Жарт – рус. шутка
Стварыць – рус. создать
Падабацца – рус. нравиться
Разнастайнасць – рус. разнообразие
Паплечнік – рус. соратник
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
