Таццяна нарадзілася ў расейскім Запаляр’і, але ў 13 гадоў пераехала ў Беларусь і вывучыла беларускую мову. Яна вучылася на журналістку, але праз Плошчу-2010 змяніла занятак. Як адбыліся гэтыя перамены і як працуе майстрыца грыму – у нашай праграме.
Шэраг незвычайных абставінаў спрычыніліся да таго, што нашая госця Таццяна Мартыненкава зрабілася беларускамоўнаю майстрыцаю грыму.
Таццяна – нарадзінка расейскага Запаляр’я. Нават трапіўшы ў Беларусь, яна магла адмовіцца ад вывучэння беларускае мовы праз грамадзянства. А ейная першая спецыяльнасць – журналістыка.
Як жа сталася, што Таццяна авалодала беларускаю мовай і прафесіяй грымёра? Хто адгаворваў, а хто, наадварот, заахвочваў вучыць беларускую? Чаму Таццяна кажа, што праца грымёра брудная? Якімі інструментамі карыстаецца? Ці ёсць розніца паміж візажам і макіяжам? Як грымёр выкарыстоўвае веды анатоміі?
У граматычнай частцы Віктар Шукеловіч распавядзе, якія словы замяняюць беларусам расейскае «кисть» у словазлучэннях: «кисточка на ушах», «кисть винограда», «кисть для рисования».
Распавядаючы аб працы, нашая госця Таццяна Мартыненкава зрабіла вядоўцу Віктару Шукеловічу грым у стылі стымпанку.
Лёс – рус. судьба
Тамтэйшы = які знаходзіцца там
Выхоўвацца = гадавацца – рус. воспитываться
Выкладаць – рус. преподавать
Справа гонару – рус. дело чести
Праз = з-за
Жахліва – рус. ужасно
Распавесці = расказаць
З адукацыі = па адукацыі
Перапалохацца = перапужацца
Прыбытковая справа – рус. прибыльное дело
Пакідаць на гарбату = даваць гасінчык – рус. давать чаевые
Твар – рус. лицо
Пасаваць = падыходзіць
Цягліцы = мышцы
Рухацца – рус. двигаться
Скура – рус. кожа
Тэрмін = час
Мэта = задача
Запазычаны = узяты
Каляровы аловак – рус. цветной карандаш
Пэндзаль – рус. кисть
Фарбавацца – рус. краситься
Пакратаць = памацаць – рус. потрогать
Вусны = губы
Павекі – рус. веки
Вейкі, веі – рус. ресницы
Заплюшчваць = закрываць (пра вочы)
Расплюшчваць = адкрываць (пра вочы)
Прыдасца = спатрэбіцца
Скроні – рус. виски
Сівізна – рус. седина
Патыліца – рус. затылок
Брудны – рус. грязный
Боства – рус. божество
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
