Алена і Яраслава, уцякачкі з украінскага Харкава, паказалі нам, як гатаваць пульхныя варэнікі з салодкім начыннем, і распавялі пра ўкраінскія рэаліі, ад якіх у расейцаў пачынаецца «зрух па фазе». А наш вядоўца прайшоў славуты тэст на расейскасць ад Збройных сілаў Украіны.
Алена і Яраслава жывуць у Харкаве. У першыя дні расейскага ўварвання яны былі разгубленыя, не ведалі, што рабіць. Пазней вызначылі, што трэба пакінуць горад.
Мы папрасілі нашых госцяў прыгатаваць адметную страву з іхнага роднага рэгіёну, Слабажаншчыны. А таксама распыталі пра ўкраінцаў. Як яны змяніліся пасля Еўрамайдану ў 2017 годзе? Як іх змяніла расейскае ўварванне 2022 года? Ці праўда, што Украіну захапілі бандэраўцы?
Асабліва нас цікавіла мова Харкава і ваколіцаў. Не толькі словы, якіх не могуць правільна вымавіць расейцы, але і словы, якія не кожны ўкраінец зразумее: «кулёк», «трэмпэль» і «вылазка». Што да ўкраінскае мовы агулам, дык Яраслава не ўяўляе сабе, каб чалавек, які лічыць сябе ўкраінцам, не мог бы размаўляць па-ўкраінску:
«Гэта не проста нейкая графа дзесьці там у пашпарце або камусьці проста сказаць «я – украінец». Каб я магла свядома сцвярджаць, што я ўкраінка, я мушу ведаць сваю мову. Я мушу на ёй размаўляць».
Вядоўца праграмы Віктар Шукеловіч гэтым разам меў дадатковая заданне. Яму, беларусу, прапанавалі прайсці тэст, з дапамогай якога ўкраінскія жаўнеры вызначаюць, ці не расеец перад імі.
Уцякачка = бежанка
Гатаваць – рас. готовить
Дакладна – рас. точно
Далучыцца – рас. присоединиться
На вока – рас. на глаз
Гаспадыня – рас. хозяйка
Уцякаць = збягаць
Навала – рас. напасть
У першую чаргу – рас. в первую очередь
Схіліць – рас. склонить
Шлях – рас. путь
Свядомасць – рас. сознание
Выяўляцца – рас. выражаться
Доўгі – рас. длинный
Кавалачак = кусочак
Адмысловы = спецыяльны
Рэшта – рас. остальная часть
Намагацца = старацца
Стаўленне – рас. отношение
Згаджацца цалкам – рас. соглашаться полностью
Захаванне – рас. сохранение
Зорка – рас. звезда
Пакаштаваць – рас. попробовать
Смаката – рас. вкуснятина
Нагода – рас. повод
Адукацыйную праграму «Мова нанова» глядзіце кожную нядзелю а 18:10 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.
