Франак Вячорка, дарадца Святланы Ціханоўскай, падзяліўся ідэямі, якія забяспечыць беларускай мове належнае месца ў вольнай дэмакратычнай Беларусі.
Франак Вячорка працуе галоўным дарадцам у аддзеле вонкавай палітыкі Офісу Святланы Ціханоўскай. Ён гадаваўся ў цяплічных беларускамоўных умовах, бо ягоны бацька Вінцук Вячорка – вядомы беларускі мовазнаўца. Сам Франак нават крышку далучыўся да беларусізацыі тагачаснага расейскамоўнага Менску.
«Самае важнае – ніколі не адступаць. Трэба заўжды проста гнуць сваю лінію, трымаць сваю пазіцыю – хай яны пераходзяць на беларускую, а не ты будзеш пераходзіць на расейскую, падстройваючыся пад іх», – кажа Франак.
Наш госць распавёў, якія заканадаўчыя крокі можна зрабіць пасля падзення рэжыму Лукашэнкі, каб беларуская мова запанавала ў Беларусі. Разам з вядоўцам Віктарам Шукеловічам ён абмеркаваў разнастайныя матэрыяльныя і нематэрыяльныя стымулы, якія заахвоцяць беларусаў шырэй карыстацца роднай моваю.
Таксама ў размове закранутыя адметныя беларускія словы. Гэта і памяншальна-ласкальныя формы разнастайных, часам нечаканых словаў, і выклічнікі «аці» ды «ацю», якія ёсць альтэрнатываю слову «дзякуй».
Сварыцца = канфліктаваць
Выпадак = сітуацыя
Прывабіць = прыцягнуць
Прасунуты = прагрэсіўны
Спрыяць = дапамагаць
Дасведчанасць = вопытнасць
Зацяты = настойлівы, упарты
Побытавы = бытавы
Дагрукацца = дайсці, дасягнуць
Прыклад = узор
Асабіста = персанальна
Справаводства = вядзенне дакументацыі
Суадносіны = баланс
Траціна = трэцяя частка
Каштоўнасць = цэннасць
Заахвочваць = зацікаўліваць
Мэта = задача
Асяроддзе = акружэнне, атачэнне
Людзей слухай, а свой розум май
Ад крадзенага не пасыцееш
Файна = добра
Носьбіт мовы = той, хто гаворыць на мове
Запазычаны = іншамоўны
Творчасць = стварэнне, крэатыў
Спаткаць = сустрэць
Прыязны = ветлівы, мілы
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн, у закладцы «Праграмы» на нашай старонцы або на канале YouTube.
