Што такое грамадзянская супольнасць, і чаму яна патрэбная дзяржаве? І чым грамадзянін адрозніваецца ад падданага? Калі беларусы ўрэшце зрабіліся грамадзянамі?
У сувязі з падзеямі 2020 года ў Беларусі шмат было сказана пра грамадзянскую супольнасць. Але гэты панятак, як часта бывае з паняткамі са сферы чалавечых дачыненняў, кожны разумее па-свойму, што стварае блытаніну. Падобнае і з канцэпцыямі «нацыя», «нацыянальная ідэнтычнасць» або «шматнацыянальная дзяржава».
Што такое грамадзянская супольнасць? Калі яна ўзнікла? Ці складала шляхта ВКЛ грамадзянскую супольнасць? Ці была грамадзянская супольнасць у СССР? У чым недарэчнасць савецкага тэрміну «шматнацыянальная дзяржава»? Ці мае сэнс спрэчка паміж прыхільнікамі этнічнай і палітычнай нацыі?
Грамадзянскую супольнасць у Беларусі абмеркавалі кандыдат сацыялагічных навук Таццяна Вадалажская і доктар гістарычных навук Аляксандр Краўцэвіч.
Праграма «Загадкі беларускай гісторыі» выходзіць на «Белсаце» кожны панядзелак а 19:10. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
