Што добрага ў закліках Лукашэнкі да беларусаў замежжа – вяртацца ў краіну? Хто найбольш пужае Крэмль? Як Прыгожын удзельнічае ў сацыяльным дарвінізме? Дзе супадаюць інтарэсы Расеі і Украіны? Чаму заходнія палітыкі так доўга запрагалі з перадачаю танкаў Украіне? Адказы на гэтыя і іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»:
ініцыятарка праекту «Вернем святло і цяпло ва Украіну» Наталля Шаўшукова, сузаснавальнік Руху беларускай салідарнасці Віталь Рымашэўскі і журналіст «Белсату» Руслан Ігнатовіч.
Некаторыя тэзы з выступаў гасцей:
Наталля Шаўшукова
- Ала Пугачова пужае Крэмль больш за ўсе віленскія форумы расейскай апазіцыі разам
- У Маскве даволі папулярнае меркаванне, што лепш хай ваююць крымінальнікі, чым нармальныя людзі, якія выходзілі на мітынгі супраць вайны, якіх білі еўрапейскімі дубінкамі і кідалі ў еўрапейскія аўтазакі
Руслан Ігнатовіч
- Сярод маіх сяброў-айцішнікаў, якія цяпер жывуць за мяжою, шмат хто не ўдзельнічаў у пратэстах, хоць і падтрымліваў іх
- Прыклад Прыгожына нагадвае гісторыі Гіві і Матаролы – яго прыбяруць менавіта свае
- Магчыма, Шольца рыхтуюць дзеля будучых перамоваў з Пуціным
Віталь Рымашэўскі
- У Лукашэнкавых закліках да беларусаў вяртацца я бачу добрую навіну: рэжым баіцца апазіцыі ў эміграцыіэім
- Каля Лукашэнкі няма ніводнага чалавека, які кажа яму праўду, таму пануе неадэкватнасць
- Не трэба мець ілюзіяў, што сувязі таго ж Гергарда Шрэдэра, які працаваў топ-менеджарам «Газпрому», раптам рэзка абарваліся
Поўную версію дыскусіі глядзіце ў праграме «Без акрэдытацыі».
