Чым лукашысты падобныя да сатаністаў? Што рабіць з захапленнем левымі ідэямі ў краінах Захаду? Чаму ў Расеі маўчаць пра вайну – гэта ўжо ўчынак?
Адказы на гэтыя ды іншыя пытанні шукалі ўдзельнікі чарговага выдання праграмы Змітра Міцкевіча «Без акрэдытацыі»: галоўны рэдактар Беларускай службы Польскага радыё Ёланта Смялоўская, намеснік галоўнага рэдактара Reform.by Аляксей Жукаў і журналіст «Белсату» Аляксандр Баразенка.
Ёланта Смялоўская:
- Я спадзяюся, што ніякі польскі палітык і ніякі польскі ўрад не захоча мець дачынення з Лукашэнкам
- Камуністычныя партыі мусяць быць забароненыя ва ўсім свеце
- Ёсць часы, калі ёсць рэчы важнейшыя за свабоду слова. І ва Украіне цяпер такі час
Аляксей Жукаў:
- Не выключана, што знішчэнне могілак польскіх жаўнераў – гэта правакацыя, каб спаліць апошнія масты ў стасунках Лукашэнкі і Польшчы
- Гісторыя з могілкамі набрала абароты як раз пасля таго, як увялі бязвізавы ўезд для грамадзян Польшчы
- Нават сярод знакамітасцяў у Расеі выказваюцца наконт вайны далёка не ўсе, бо ніхто не хоча застацца самотным
Аляксандр Баразенка:
- Беларускім уладам фіялетава, прызнаюць іх дыпламатычна ці не. Зараз улада ў краіне належыць сілавікам
- За тры месяцы свайго знаходжання ва Украіне я ні разу не адчуў ніякага хейту ў свой бок, як беларус
- Расейскія спартоўцы хутка могуць пачаць мяняць спартовае грамадзянства і масава з’язджаць за мяжу
Калаж з фота: pixabay.com i president.gov.by
