Злівы размоваў набліжаных да Лукашэнкі асобаў, уплыў ура-патрыятычнай рыторыкі на беларусаў, арышт святароў, а таксама дапатопныя метады д’ябальскага саўка і шмаш што іншае абмеркаваў Зміцер Міцкевіч разам з іншымі беларускімі журналістамі ў чарговым выпуску праграмы «Без акрэдытацыі».
Гасцямі перадачы былі рэдактар сеткі telegram-праектаў NEXTA Ян Вярбіцкі, рэдактар аддзелу «Грамадства» парталу TUT.BY Ульяна Бабаед і палітолаг, а таксама журналіст «Белсату» Аляксандр Папко.
У гэтым выпуску каманда журналістаў супольна шукала адказы на наступныя пытанні:
Хто злівае размовы атачэння Лукашэнкі і нашто гэта можа быць трэба? Ці можна праслухоўваць мабільны тэлефон на адлегласці ў сотні кіламетраў?
Ці дасць Пуцін грошай Лукашэнку ў якасці ўзнагароды за жорсткую антызаходнюю рыторыку? І чаго ўвогуле вартая Арганізацыя дамовы аб калектыўнай бяспецы?
Як змянілася праца парталу TUT.by – найбуйнейшага медыя краіны – пасля пазбаўлення статуса СМІ? І як жывецца ў статусе тэрарыста?
Рэжым Лукашэнкі сапраўды адкінуў Беларусь назад у 1937 год? Арышт святароў і ціск на царкву ды касцёл – гэта ўжо дакладна дно?
