Як сілавікі Лукашэнкі будуць захопліваць бізнес? Чаму ў рэжыму не атрымаецца гандлявацца з Захадам аб адмене санкцыяў? Чым бізнесоўцы ў Беларусі падобныя да габрэяў у нацысцкай Германіі?
Адказы на гэтыя ды іншыя пытанні вы пачуеце ў чарговым выданні праграмы Змітра Міцкевіча «Без акрэдытацыі».
Гэтым разам гасцямі былі спікер Народнай амбасады Беларусі ў Літве Бэла Фокс, старшыня ГА «Гавары праўду» Андрэй Дзмітрыеў, а таксама галоўны рэдактар «Еўрарадыё» Павел Свярдлоў.
Некаторыя тэзы з выступаў удзельнікаў праграмы.
Андрэй Дзмітрыеў:
- Санкцыі прымусяць рэжым будаваць розныя шэрыя схемы праз Расею
- Рэжым Лукашэнкі сваімі дзеяннямі за апошні год звёў да нуля вартасць сваіх словаў
- Налёты на бізнес – лагічны вынік павелічэння ролі сілавікоў
Бэла Фокс:
- Кожны дзень я прачынаюся і засынаю з думкай аб тым, колькі ў нас ахвяраў і якая вялікая колькасць палітзняволеных
- Ціск на ІТ можа быць звязаны са страхам рэжыму перад кібер-партызанамі
- Літва ўжо збіраецца выдаткаваць € 15 млн, каб збудаваць плот на мяжы з Беларуссю
Павел Свярдлоў:
- Гэта ўлады выбудавалі свае стасункі з Захадам так, што ён не знайшоў ніякага іншага выйсця, як увесці санкцыі
- Бізнес у Беларусі можна весці толькі і выключна пад асабістыя гарантыі аднаго чалавека, пазіцыя якога можа хутка памяняцца
- Абяцанням уладаў Беларусі ўжо больш не будуць верыць
Поўную версію дыскусіі глядзіце ў праграме «Без акрэдытацыі».
Зміцер Міцкевіч belsat.eu
